Tangkhul Keyboard Project:

Āchālakha āwo-āyina ithumwui āman sakkhamataiya ngashan kala zatkhanāhi khararchān eina kala hao lā kathā eina phārimihaisai kala ithumna chiwui eina ithumwui thotrinchan kala ngashan tamkakhui-shakakhui samphanga. Hikathā khararchān kahāng kala lāsak eina sāchithei haikasā hi phālāk sayi jilala aruihonwui thothili kakapi hi darkar sālāk haowa.

Āruihonwui ātam (technology age) hili ithumwui Ā eina A hi ningsangmeida shichin khavai tangkhul keyboard (Ā eina A) kazang hi darkar salak dalei da shitsanga. Mi kachungkhana thangkachida phone eina kapida chanpao ngahānung ngahānvasāda khalei ātam hili hikatha tangkhul keyboard (Ā eina A) zanglaga kasing hina ithumwui ngakheikhang kahai atui-ālā hi bhāb tāmeida kala theimeida (shāngmeida) shichinvāda naoda rākida khalei thotbing wuivāng ithumwui āngayung, ngashan kala khararchān phari haimi khavai āpong akhana da khuiya. (makhusilā?)

Āja ithumna Tangkhul keyboard project hi launch kasali yāruina katommida sharuk khuimilu. Project hiwuivang ithumna crowd funding, chiya yarui āshangva̱li pheisa eina ngachonmi khavai pongaidalei. Yaruina katommida contribute samira (ngachon mira) kachihi ithumwui shitkasang kala kachihānna. Application hi launch kasali (sakahaitharan) yarui saikora̱na khalem eina shichin kapaiya app ākha ngasara. Project hi ungshung sākhavai yāruiwui ngachonkhami darkar sālak haowa kala hi nawui iwui eina haophok lāksa. Project hiwui maramli nawui ngasotnao kala shimkhurbingli kahāng mimaronlu. Ningshi lākra.

Projecthi iOS kala Andriod khaninili shichin kapai keyboard ngasāra kala hili zangkida khalei āman (total cost) hi Rupees 50,000/- (approx.) eina leidalei. Donate sakhangai bingna hili samipaira.

Google pay: 8257815713.

Project hiwui maramli mathāmeida theikhangai leiakha ngathingrā mipaira (avaramtui@gmail.com).