Open Site Navigation

Shanao


Shanao | Tangkhul Ngalanao I Avaramtui

Nawui 'zak khamathā okathuina chānsāvai.

Mariktik kahai khayākakā nawui kuisam,

Mahaitai mathingrik kahai na mikyan,

Horchāmri kahai na maisorwui maiwon,

Manaktak hai na morchai,

Āyuk-āyan khaung na phaphor;

Āyat khaung na pha-sak,

Tāngpathai na phasā.

Teokha mayoda semmi haili Ākhavāna.


Nawui pangshap ok'thuina ngachānsai.

Nakhon makashok, chingri kahaiwui sari,

Kakhāngwui zak na' mirinli thei,

Jakhami, Nawui hakmeikap kachi khutlai!

Nawui phungkhami- shimkhur, ram kala yurwui pākrana,

Ok'thui mi kachiva, na naopamwui ātheikho!

Mikumowui phāmeikap, mathāmeikap kala ringphāmeikap kaje khare shim,

Nawui naopam ngasākho!

Naokharwui kachot, chuimeikap kaji khayāna.

Tekkhamatei! Na pangshap okathuili kharā, mikachivawui ngaveina.


Nawui ngalā khamathā okthuina sovai.

Vareli ngasoda okkathui mirin;

Āchei-ārei, ācham-āram khamaho mina kakahao,

Chānhan-laahān mareocheo, ringkaphā ngaphang ngasak samkaphang kachivali .

Tākuikahai khanima otsak, khamarara uklung ngahuishap,

Ngachāngkakā pheipāng khangaveng nawui kahor,

Saikhalām ningkatong china saikorali penmi,

Samkaphang kachivali kharei-kateo makhai, machukmi.

Na wuklung Christawui leishāt kala thangmet pemthahai.


- Aworsem Y. Shimray


 

Āma̱ @ sumers_gallery

0 comments

Recent Posts

See All

Kaphā zingkum khuirāmi, kashi kum notha, Ramung kachiva̱, hon kum khamathā. Samathā ura āmachi sākahai theithā Lingsang ura, kapanga khamatha kathā! Ākhar kharda matekchim āshon shokura, Mayo kachāng,

Zingsho-zingtun, āto-āze malā kāpsang harkho Pāshā yang, āmeoali pha̱, khangheili ramsom. Theimajee-paimajee luithuimi, marun kachāng Luitā phanit mahon-ngapao sāda luitunga. Oh! Zizi-parpar zangura n