Open Site Navigation

Phanit Phanao

Zingsho-zingtun, āto-āze malā kāpsang harkho

Pāshā yang, āmeoali pha̱, khangheili ramsom.

Theimajee-paimajee luithuimi, marun kachāng

Luitā phanit mahon-ngapao sāda luitunga.

Oh! Zizi-parpar zangura nganansang uka.


Ngachān sāri ngavai, chankathuilaa sāda

Mayar-ngalā mayo'tamli yarra shak.

Zamshei-vaitei khapta, kumva-kumzāt heiwun

Ungkhavai marang kachāng mangkhap sai.

Oh! Akha-ākhao laa nganui hishong-chishong.


Pareinaosan yarson kānglup sakhui,

Tham phahor khuida pi kachāng morsonga.

Āchei-ārei, pāngthem, shātshingat'tamli

Longshimli petkha sada tamkhui-shakhui.

Khangam sāshai shaida, ngachān sāri

Peitingri thishamli honrei suida pheison sai.


Shirei, tharazāt chumli rorsang ngaphangzā khavai

Ngaphei kachāng chumpha̱ mayon.

Oh! Tharāzāt nganantāp ningmahairi-ri.

Tāngwui mayarnao kasār-kafa̱ kāshungda

Khalupkhui khayon kachāng longra shak.

Oh! Āwo-āyi thotli kumshirinda ngarang.

-Wungramrin Pharung

0 comments

Recent Posts

See All

Kaphā zingkum khuirāmi, kashi kum notha, Ramung kachiva̱, hon kum khamathā. Samathā ura āmachi sākahai theithā Lingsang ura, kapanga khamatha kathā! Ākhar kharda matekchim āshon shokura, Mayo kachāng,

Ngahān khangāi chi chiyākha, Uklungna ngathingakha, Mikna mak'thei mei kachui, Khipān' hangra kayākh'chui. Mangathing khuikharar uklung, Khalā khavai malei uklung. Kharomda tukkhuipai ralā? Khangashān