Oh Tāngkhul
Oh Tāngkhul khanuithot, Na otphun mangā vāmeilo!
Oh Ishi Tāngkhul, siphan zingrot ngaphang ‘ngachāna;
Oh Tāngkhul khawon kashonlong, sāngnā yansāng hairakho.
Oh Tāngkhulnao, khayui philān kaheida kazat 'tam rāhaira,
Oh Tāngkhul yārkhok lākhok, sāvailo Reisāngchonme' khami pangshap.
Oh Tāngkhul khanuithot, Tāngkhul yur napāngli leikho.
Oh Ishi Tângkhul, jāpjāp nāpnāp kahāng 'tam maning,
Oh Tāngkhul khawon kashonlong, na talent morhaira, khuishoklu!
Oh Tāngkhulnao, Tāngkhul Ramyoram Varena sokhami ramkho,
Oh Tāngkhul yārkhok lākhok, pheichon yunlo,
Tāngkhul mirao masā khavai.
- Iknguira L. Shimray