NAGALIM

Āva̱ram Nagalim, yirmayirtei leikashi,

Hākhui Varena, Āwui yur sāngasak

Shaksāmi matekchim nimshimri ngahongwui lan,

Okkashok saikora̱ mathingrik katheng mavai,

Mirinlan nganantāp ontha̱mi.

Khisā maningshisa chipaira,

Āyuk āyan khaung na themsak!

Ngachamtham, kaping, kathem; kashāng

Vākashung ningchuk, ngachān āchikun mati,

Mamalai ok'thuina Naga miyurwui kaping.

Thot-khaung khangahei, malaihao Vareli,

Ākhoka khangapai shimanhao khokha kasā

Khuithuimi leikashi nomkashināmna,

Workasaina shokngasak khangazer,

Onphakhaira āchā āja̱.

Mangāshong yangda shārkāusa,

Yangshatphun ngavātā, rā ngarumsak;

Leikashina ngashikmi khangayāng,

Muivāusa mashunkhon vaoda ithum khokkha

Mangapat shunkāra khuiyui philan. Kuknalim!

- Atai Chamroy