Open Site Navigation

Mirin Pheikar Ritnali

Oh Khicham khiramlo! Mirin pheikār chotnā, ritnā phalungli!

Sāngmei, tāmei kārvā chungmei, ritmei mirin otphun.

Chuimei, thukmei shongza ngakui, ngamimei, tangmangmei I mirin.

Kumshok, kumzang, mirin otphun chiching mangavengsang.

Kathārān lo oh Proho! Ungshunglāk ralā rin, kahaoda khalei mirin?


Haophok ningrin maungkashung, āvawui naopam eina.

Mangachei āja rāshungda! Kahao, machuk eina vaiser.

Chungmei kahao, chuimei rānsā, vaingasakser kahao machuk eina.

Tāngmei ungkashung, makona samkaphang, mirin hichingrala?

Chapchāt wui shongzat karankha vātfakhala? Oh Proho!


Mik, khanāna mathei mashāpai uklungwui kachap chāra.

Kaikahai, ngayangkahai uklung, matheirar manarimkahai maiwonna.

Chotnāli chārawui rinchān pheikar, mashasangngasak kapai chong!

Karankha kārvā, ngasungvāfara khala? Sitkhamahui, chamkhamalā mirin hi.

Ngaraichingli oh Proho! Nawui kaphaning eina vaimilu!


Theilu machot, makhanangching mara, Prohowui ngahānkakā zimik rāshungrāli.

Mangatampaimara rin ungkashungwui ringphāt ājawui kachot, sikafa hili.

Khamorna Proholi kharopta matuikahai, lāngmeida ningshira iwui uklungna.

Uklungwui khamathān, tui eina maningla ringphātwui chārana phongshokra.

Hāngra Proholi ningkashiwui tui, tammira okathuili Proho kharin ungshung khangasakanada.


- Leishiyo Raising


0 comments

Recent Posts

See All

Kaphā zingkum khuirāmi, kashi kum notha, Ramung kachiva̱, hon kum khamathā. Samathā ura āmachi sākahai theithā Lingsang ura, kapanga khamatha kathā! Ākhar kharda matekchim āshon shokura, Mayo kachāng,

Zingsho-zingtun, āto-āze malā kāpsang harkho Pāshā yang, āmeoali pha̱, khangheili ramsom. Theimajee-paimajee luithuimi, marun kachāng Luitā phanit mahon-ngapao sāda luitunga. Oh! Zizi-parpar zangura n