Open Site Navigation

Meiphung

Āvāna meithalung shomkai,

Āvana mei majonsang.

Shimkhur ngashim khavai ‘pam,

machithat kapai kathuka chān shok.

Ningkha sākhui chinaongarā.


Meina ngurngur chuikā,

thingna yummamān, meikhut ngapui

kazat harshāng eina theiphok.

Phei kārda makhui ungzang khangai

khalum meiphungli.


Chotchir tantak khaung,

ungkathei kachot malai ngasak.

I-haonaobingwui vāng ‘tam kaji

lummeikap kaji ‘pam ngasai.

Khipā khana mangakarthuingai.


Shakei eina tangda mayāmngai

mikumona kasham hāda.

Pheipang katingda ngasām kakhui

theishap āthumwui ningyāng khaung.

Ngarin ningkhalum.


- Rinya Chamroy

0 comments

Recent Posts

See All

Kaphā zingkum khuirāmi, kashi kum notha, Ramung kachiva̱, hon kum khamathā. Samathā ura āmachi sākahai theithā Lingsang ura, kapanga khamatha kathā! Ākhar kharda matekchim āshon shokura, Mayo kachāng,

Zingsho-zingtun, āto-āze malā kāpsang harkho Pāshā yang, āmeoali pha̱, khangheili ramsom. Theimajee-paimajee luithuimi, marun kachāng Luitā phanit mahon-ngapao sāda luitunga. Oh! Zizi-parpar zangura n