Open Site Navigation

Longkatā Chāra

Khipanakha mathei, morei kaphung iwui seihā.

Oh! Ngayā sailungphup ina Vareli khararchān thuisai;

Nimshimri mathingrik mikli chāra longkatā.

Ining ngavengkong tārihai;


Kathuka wuklungwui sikafa, longkatā chāra āhāngmilu Zingwunglengli1;

Oh! Ining katheng khina chirmishap toh Proho maningla?

Ining ngahuihaoda ikhamorna phākhamei khi tuikha mamatuishokrar.

He! Proho ina nali vaoli, ili ngareirāmilu;


Ngayā Kachi iningsasakeina chān ngazekthathai;

Seiha kasā eina ngasoda.

Longkatā chāra\[ khangasām mavai, kathuka uraok thāda.

Phākhamei leisāralā iwuivang?


Oh! Reisangchonme, narao iwui longkatā chāra\[a\[;

Napāng mayāna mayākhuimida chitheimilu ngathum kahai saikora.

Oh! Iwui mirin zingyinlamwui khaya kathā;

Khawo thāda ngahui haowa.


- Haorei Hunphun Awungshi


Kakhalat:

Zingwunglengli = Kasema/Kasa Ākhavā Varivara

0 comments

Recent Posts

See All

Kaphā zingkum khuirāmi, kashi kum notha, Ramung kachiva̱, hon kum khamathā. Samathā ura āmachi sākahai theithā Lingsang ura, kapanga khamatha kathā! Ākhar kharda matekchim āshon shokura, Mayo kachāng,

Zingsho-zingtun, āto-āze malā kāpsang harkho Pāshā yang, āmeoali pha̱, khangheili ramsom. Theimajee-paimajee luithuimi, marun kachāng Luitā phanit mahon-ngapao sāda luitunga. Oh! Zizi-parpar zangura n