Open Site Navigation

Leishāt mei sāmei

Leishāt mirin shongzā ngahuiri machi.

Wuklung yuishāt-yangshātna pemting ngasak.

Manarim ngareithui kahai, I wuklung mei kachui!

Na’ thumda ringkaphā, I wuklung ningchot mataimei.

Malung ringmei, yongthuirotpai shinada.


Na khon shāda I ning kachui mataimei.

Katharān manarim ngareirā nikhala da khangaraiwui kachot.

Khakshum ngasakhao, Iwui ning kachot china.

Hunkhawui khangapāk, mirin ngachang haoki kachithai.

“Leishāt mei k'sā, hiyākha chotphalungla”?


Ngachakyangmei ngasakhao, na makhalei.

Manarim yangkharāwui ringkaphā, hunkha māng.

Nali ngashānvāda, I wuklungwui bichar mataisang.

Kha! bichar masā mirarma, yonmipai shinada.

Matheivā kharar wuklung, chārawui mirin ngasai.


Ini Pangsinwui khalum, hunkhali shimanhao.

Nakhon makashā, Iniwui marak Tāthuimamān.

“Mangasun khuiluipai sānido? I Ningkachot”!

Mirin leishāt mei k'sā, Khipāna Vanmira?

“Nawui leikashi, I wuklungwui ngayin khavai Pamna”.


- Wokso Mahung

0 comments

Recent Posts

See All

Kaphā zingkum khuirāmi, kashi kum notha, Ramung kachiva̱, hon kum khamathā. Samathā ura āmachi sākahai theithā Lingsang ura, kapanga khamatha kathā! Ākhar kharda matekchim āshon shokura, Mayo kachāng,

Zingsho-zingtun, āto-āze malā kāpsang harkho Pāshā yang, āmeoali pha̱, khangheili ramsom. Theimajee-paimajee luithuimi, marun kachāng Luitā phanit mahon-ngapao sāda luitunga. Oh! Zizi-parpar zangura n