Kapongthei

Oh kapongthei mikngayam khangasakva

Na maiwon timarāwon ngatamthali

Shimshi hai khakshot chānhan

Ningai zingsho shongwui zingrānli hormei

Ngayopam ngaishon kameonaolakei

Oh kapongthei khamahova̱

Mazap yang khuirei khuirā mateila

Ramkazatbing shimtun sāvai

Ngashunlungla wonrā shirting mamasai kachangma

Ngawunrop leihngapha̱ pam khisāvaira na khawon ram

Oh kapongthei kakhā philāva̱

Mili chammalā ngasak na otsak

Manglā sheisha̱ ngasak mishap na wuklungwui ho

Khimanlo I muiroli

Ākorwui khamatha 'ya kha zakshilakei

Thingamphy Horam

---

Thingamphy Horam hi Phungcham naona. Āna 'She breathes between the lines' da lairik kapia. Kapime hi lairik kapā ningchānga kala ningsanglāka. Kapimena hanga, 'lairik kakapi ātam thāran ning ringkaphā samphang kala uklung chingri haingasaka.'