IYUR RAIMI

Yurwui ākhoka ningkhān 'vāng zathao.

Yungri kahai Naga yur wuivāng.

Shimkhur nothā, yur ningkhān rai vāng.

Āva̱ram rao, manglā hamsangda.

Chitun- chitāngli, chāngmarenglāk eina

Chongsharshar, chirzaosao chingri mangasām.

Chotchāng, ringā, sipsā na iwuivāng.

Āva̱ram ningkhān wuivāng nada.

Masosei kahai nathumwui mingchi,

Naothot-naothot ngachān chingra.

Lumlelāk eina tākahai āshee,

I yur thari shākhi sāmihaira.

Zingshan kāmahung lakha yur mibing,

Ningkhan 'vāng lungsanda ot sāsa.

Zinghungana somida,

Iyur ningkhan seihā shāmira.

- Chihanso Kharing

KAKHALAT:

Ākhoka: Khamataiya, zungva̱ phungva̱

Yungrikahai: Shiman nanai kahai,nngahuiham kahai

Chitun- chitāng: Ramkatāva, āpam katāva.

Chãngmareng lak eina: Chotchāng lak eina, kachot kachungkha samphang laga.

Chongsharshar: Kapei kaser kazat, ākui khangkā laga yangung yangvā kachi.

Chirzaosao: Khamā matheng mada sāsakra ngaya da khalei.

Masosei: Khayā kā lāk kahai. Chuida kapam

Lumlelak: Mashun makhui leilak eina.

Zingshan: Zimikna ālungthung makārang kaji ātam.

Zinghunga/zinghungleng: Kazing wui ãwunga, Varivarā.