Iwui Morei

Iwui morei shānla makhui,

Ātam kachi āthi-shurzatsai;

Āwui khorchopli chotlāk eina ngaleo sāya,

Kha kanshokmi kathuka chom chiwuieina.

Ningshiya, Jishu nali.

Āra, ina theihaira, kaje

Nawui leishikhami mangā eina,

I manglā mathiluimara.

Iwui pangshap moreilungli shimān haida,

Mirin-kahor matheiluimara da machuksai,

Kachihān kaho chila thenghaisai

Kha Jishuna ngatangkhuimida kachihān samphanglui

Jishu āra nawuivāng ngasungra,

Kakhayak, katharin maleiluimara,

Nawuivāng ngararda otram ngatha chingra,

Kaje Nawui ming tekmatei khangasak 'wui otngarutna.

- Chipemmi Abonmai