Open Site Navigation

Chānhān Khamayo

Chānhān khamathā mili ngasokapam saikorana ngahānngaiser,leishiser;

Mareocheo kahaili lāngmeida phākhamei āri katei malei.

Ngathor zingrānna kāpkharor thāda phasā ning-wuklung lumturhai ngasak;

Thurshi kahai chānhān ārakui zangshungda ngasheiya.


Khamarara wuklung ngatha ngasak shapa;

Pangshap khaleiya Oh! ‘Leikashi chānhān…’

Kathuka ningrin hengsāda theikhui ngasak;

Pheomishapa kahaka tuishot na chānhān khamayo china.


Thengkahai, ngahui kahai wuklung, āshon kadhar shonda kachihan leingasak.

Na chānhān leishimeithui…!

Mitmiya longkatā chāra , shiman ngasak thurshi kahai ningrin;

Oh! Chānhān khamayo.


Khāshi kahai na chānhān, katāva horhaida;

Ningmayungri kahai na chānhān , morchai wui khahor ngasālu.

Nimshimri, ngahuiri kahai chānhān na;

Sākashe wuklung saikorawui ākhavā na.


- Haorei Hunphun Awungshi


0 comments

Recent Posts

See All

Kaphā zingkum khuirāmi, kashi kum notha, Ramung kachiva̱, hon kum khamathā. Samathā ura āmachi sākahai theithā Lingsang ura, kapanga khamatha kathā! Ākhar kharda matekchim āshon shokura, Mayo kachāng,

Zingsho-zingtun, āto-āze malā kāpsang harkho Pāshā yang, āmeoali pha̱, khangheili ramsom. Theimajee-paimajee luithuimi, marun kachāng Luitā phanit mahon-ngapao sāda luitunga. Oh! Zizi-parpar zangura n