Ātamli ngasoda longthuihao
Ngahān khangāi chi chiyākha,
Uklungna ngathingakha,
Mikna mak'thei mei kachui,
Khipān' hangra kayākh'chui.
Mangathing khuikharar uklung,
Khalā khavai malei uklung.
Kharomda tukkhuipai ralā?
Khangashān eina vairalā?
Āmeowo, nawui khangaran,
Kachi shongpāk sampak luira.
Khangasām mavai khangashān,
Kongra̱ thāda longthuihao.
- Makanmi Horam
Kapimehi lāsem, ningthemwor, kasha̱ khararchān, āwo āyi wui khararchān kagapi, kaphā (research) ningkasang mi ākhana.
Co-author:
1. Flying Wings (2 Poem)
2. The inscription (1 Poem)