Open Site Navigation

Āva

Āva

Fong Longvah

28 February 2023, 10:00:00 pm

Khanim shirin khami philāva, iwui tuihao,
Leikashiva\[ Āva\[, nali khina chānlo !
Seiha mangasām ‘tam kachi,
Āpān makhai, Vare shongfa chizami;
Nawui seihā chāra\[, shimkhur thaomei,
Ningkathar, pheokhami nawui shanvai sai.
Oh! Āva na chuimeikap.

Zinghām –zingrot khāngmi,
Mavākhangai, masāmikharar malei.
Na kashai machihotā, ritlala,
Malaihai kharita otphun kaphung,
Ngathor-ngashun-ngazin-ngayā,
Ngasām kakhui malei.
Ngathumda chap, nao ringphā khavai;
Oh! Āva\[ na chongmeikap.

Ngachānkho; haori-haorāngna Āva\[ nali.
Naowui otphun ritkahai thārān;
Nimshimri leishiri vamkhui miching;
Nawui leishāt leiret malei,
Ningkatongwui otsak māng.
Oh! Āva\[ na phāmeikap.

Tekmatei nali Āva\[wui pamkhong,
Kashungnāya nawui ringchikat,
Chuināya nawui themsak,
Ngahuiri hai nawui zak,
Tācham-tāram hai nakhalei ram.
Nawui mahut malei luima;
Sinā lupāna lokhui kapai maning,
Oh! Āva\[ na shimmeikap.

Āva\[wui leikashi, thukmeithui,
Āva\[wui chikatkhami, ningtongmeithui;
Āva\[wui phaningkhami, vāshungmeithui,
Pharā-khamiva āva\[li masot michingra
Nganaokhamiva āva\[li ningshichingra
Oh! Vare somilu āva\[li.
Ningshinahairei Āva\[, iwui tuikup.

- Fong Longvah